Повеќето мускуло-скелетни повреди се не-хируршки, така што сѐ освен скршеници може да се третира во нашата специјалистичка амбуланта, вклучително и дијагностика на нервни болки.

Првото нешто кое специјалистот за болка ќе го направи е подобро да ја разбере Вашата болка. Третманот на болката е ефикасен само ако дијагнозата е точна.

Специјалистот по физикална медицина и рехабилитација најдобро разбира од каде доаѓа болката и кој е најдобриот начин за нејзино третирање.

Тој ќе понуди најминимално-инвазивни и најконзервативни можности за ублажување на болката, независно дали потекнува од:

• грбот и вратот;
• рамената;
• колената;
• колковите;
• лактите;
• стапалата и глуждовите или
• дланките.

Функционална дијагностика на организмот

Уникатен компјутерски комплекс кој успешно се применува во повеќе од 33 медицински установи ширум светот.

Проценка на квалитативен и квантитивен индекс за: ниво на адаптациски способности и ризик за органски заболувања.

АМСАТ се состои од:

• мерен уред,
• 6 електроди (стапала, дланки и фронтален синус),
• компјутер и
• софтвер.

Целата процедура за дијагностика трае помеѓу 30 секунди и 3 минути.

Целосно индивидуален пристап, оптимизација на медицинските третмани спрема секој пациент, физиолошки отстапувања од нормала, клинички релевантни дијагнози со повеќе од 80% точност, како и следење на ефективноста и резултатите од третманите.

Магнетната терапија претставува примена на константно и променливо магнетно поле со ниска фреквенција во тераписки цели. Тоа е безбедна, неинвазивна  форма на лекување, која е корисна за акутни или хронични заболувања, со цел намалување на болките и подобрување на циркулацијата во крвта.

Делува за зголемување на парцијалниот притисок од кислородот, што е особено важно кај ткива кои се исхрануваат преку дифузија како што е дискусот – дискус хернии.

Може да се применува и кај импланти од различен материјал (метал, керамика).

• Стимулира создавање на калус – после фрактури, но може да се дава и во фаза на носење на гипс;
• Остеопороза – ја зајакнува коската;
• Регенерација на периферни нерви;
• Регенерација на ткива – зараснување на рани;
• Противвоспалително и обезболувачко дејство;
• Миорелаксантно дејство – може да ја олесни напнатоста во мускулите;
• Aнтиревматско дејство – го намалува отокот;
• Го забрзува процесот на лекување;
• Го зајакнува имунолошкиот систем.

Терапија со ултразвук се состои од примена на физичкото и биофизичкото дејство на ултразвучната енергија за лекување. Во ултразвучната терапија се користи својството на пиезокристали да вибрираат кога ќе се приклучат на извор на електрична струја. Ултразвучната терапија има способност да делува длабински, со што може да ја зголеми температурата во длабочина на ткивото од 3-5цм, без да ја загрее кожата или поткожното ткиво.

Ултразвукот предизвикува вазодилатација (проширување на крвните садови), ја подобрува трофиката на ткивото, хиперемија (подобра прокрвеност), подобра ресорпција на распаднати продукти од хемиски процеси во ткивата. Воедно влијае на биосинтеза на белковини (протеини) како важен дел на имунолошкиот систем.

Делува на самата болка, така што ја намалува, се ресорбираат отоци, стимулира создавање на калус кај фрактури, го намалува мускулниот спазам, помага за зараснување на ткивата, особено на тетивите.

1. Механичко дејство – микромасажа на ткивата на клеточно и супклеточно ниво.
2. Топлинско дејство – зголемување на температурата на локалното ткиво кое се третира.

• Сонофореза – локално воведување на лекарства со помош на оваа метода во третираните ткива.
• Субаквална апликација – подводно аплицирање.

Во оваа терапија спаѓаат различни видови модалитети на електрична струја. Користејќи ги добиваме различни ефекти и резултати во лекувањето.

1. Галванска (еднонасочна) струја – ја зголемува спроводливоста и надразливоста на нервите и има аналгетско (обезболувачко) дејство. Се користи за регенерација на ткивата, смалување на отокот и подобра ресорпција;
2. Хидрогалванска струја – се аплицира под вода;
3. Електрофореза – внесување на лекови во организмот со помош на еднонасочна (постојана) струја;
4. Дијадинамски струи – аналгетско (обезболувачко) дејство, ширење на крви садови, подобрува трофика (исхрана на ткивата), ублажување на мускулните спазми. Се стимулираат мускули со нормална инервација;
5. Интерферентни (среднофреквентни) струи – аналгетско (обезболувачко), антиедематозно дејство (против оток), ја подобруваат исхраната на ткивата, помагаат за создавање калус кај фрактури;
6. ТЕНС – Транскутана електрична нервна стимулација;
7. Електростимулации на денервирани мускули.

Апликација на интерферентни струи со вакуум електроди, при што доаѓа до комбинација на дејството од вакумот со дејството на интерферентните струи.

Ласер терапијата има двоен механизам на делување. Од една страна локално дејство на ткивото во вид на метаболни промени, а од друга страна појава на рефлексни реакции заради делување на аферентните структури или одговор на метаболните промени во ткивото.

• Аналгетско дејство – намалување на болката;
• Антиедематозно – намалување на отокот;
• Регенерација на ткивата – кај заболувања, оштетувања и лузни;
• Противвоспалително дејство.

Апликацијата може да биде на повеќе начини: над местото на патолошката промена , на тригер точки и над рефлексните зони. Времетраење на апликација може да биде од 3 до 15 минути – просечна должина на терапијата е 10 дена до 15 дена , со повторување за 1 до 3 месеци (по потреба).

Mагнетотерапија, сонотерапија, електротерапија и ласеротерапија.

Во нашата ординација кинезитерапијата се изведува исклучиво индивидуално со искусен физиотерапевт под мониторинг на доктор.

Индивидуални вежби кај деца (сколиоза, кифоза, парези на плексус брахијалис и тортиколис – крив врат)

Индивидуални вежби со физиотерапевт:

• после фрактури (скршеници) на коски
• повреди на меки ткива (кинење на мускули, повреда на тетиви и лигаменти)
• артроскопски операции на зглобови,
• после апликација на ендопротези на зглобови, како и
• рехабилитација кај невролошки, ревматолошки и други заболувања при кои постои ограничување во обемот на движења.

Видови вежби:

• активни вежби;
• активно потпомогнати вежби;
• пасивно потпомогнати вежби и
• пасивни вежби со различно времетраење, започнувајќи од 30 минути.

• Корективна гимнастика;
• Вежби за зголемување на подвижноста на зглобовите;
• Вежби за јакнење на мускулатурата;
• Вежби за рамнотежа;
• Вежби за истегање.

Масажата е општ термин за притискање, триење и манипулирање со кожата, мускулите, тетивите и лигаментите. Масажата може да се движи од лесно галење до длабок притисок.

Постојат многу различни видови на масажа, вклучувајќи ги вообичаените:

• Шведска масажа. Ова е нежна форма на масажа која користи долги потези, месење, длабоки кружни движења, вибрации и тапкање. Тоа помага да се чувствувате опуштено и енергично.
• Длабока масажа. Оваа техника на масажа користи побавни, посилни притискања насочени кон подлабоките слоеви од мускулите и сврзното ткиво. Најчесто се користи при оштетување на мускулите поради повреди.
• Спортска масажа. Ова е слично на шведската масажа, но е наменета за луѓе вклучени во спортски активности, како помош за спречување или лекување на повреди.
• Масажа на тригер точки. Оваа масажа се фокусира на областите со затегнати мускулни влакна, кои можат да се појават по повреди или прекумерен напор.

Масажа за корекција на ‘рбетен столб која може да биде комбинирана со истегнување на ‘рбетниот столб преку подесување на агол до 45 степени на самиот апарат, што ја користи сопствената тежина на пациентот.

Овој апарат содржи и инфрацрвени зраци кои достигаат до температура од 65 Целзиусови степени, што дополнително делува за релаксација на мускулатурата за полесна корекција.

Делува за:

• намалување на оток;
• смалување на болка;
• ублажување на мускулни грчеви.

Температурните промени од само неколку степени ја подобруваат спроводливоста на нервите, влијаат врз подобрување на крвотокот и еластичноста на колагенот. На пример, со загревање на рацете на 45 степени, се намалува вкочанетоста на рацете за 20%.

Најчесто се користи медицински парафин. Парафинот од надвор ја зголемува температурата за 7.5 степени, а внатре (интраартикуларно) за 1.7.

Хидротерапија со надворешна примена на вода е најдревната терапија. Дејството на водата е термичко, механичко, а кај минералните води во зависност од видот на минерализација на водата е и хемиско.

Дејството на хидротерапија делува на

• мускулно-скелетните;
• невролошките;
• ревматолошките;
• респираторните и
• урогениталните заболувања.

Под ултразвучен мониторинг.

Нервните блокови се користат во терапевтски цели за третирање на хронични болки  или акутна болка

Најчесто се користи за блокирање на болки кои се јавуваат поради притисок врз нерв од дискус хернија. Таа болка може да се манифестира како болки во дел од ‘рбетот како и болки по должина на екстремитетите.

Блокови кај главоболки / мигрени.

Пациентите со напреднат остеоартрит на колено и дебелина на ‘рскавицата под 50% или кој примале инекции во коленото и немале успех се кандидати за геникуларна нервна блокада.

Геникуларната нервна блокада е процедура во која нервите околу коленото се анестезираат („блокираат“) со локален анестетик, кој се инјектира преку мали игли.

Постапката се изведува под водство на ултразвук.

Оваа постапка се заснова на теоријата дека блокирањето на нерви во болната област може да ја ублажи болката и да врати дел од функцијата.

Прочуен пристап во физикалната терапија, дизајниран да ги стимулира проприоцептивните сетила на телото, да ја подобри мускулната активација и да ги подобри моторните перформанси. Оваа техника е особено корисна во невро-рехабилитација, помагајќи им на пациентите кои се опоравуваат од мозочни удари, трауматски повреди на мозокот и други невролошки состојби да ја вратат функцијата и подвижноста.