Иако ултразвукот (ехото) најчесто се користи за да се идентификуваат повреди или абнормалности; се користи и при инјекции во коленото, рамото и колкот.
Употребата на ултразвук (ехо) ја подобрува точноста на инјектирањето на кортикостероиди, хијалуронска киселина или други терапии како што се плазма богата со тромбоцити или матични клетки. Инјекциите водени со ултразвук (ехо) му овозможуваат на лекарот да ја визуелизира иглата во реално време додека таа влегува во телото и патува до бараната локација. Ова гарантира дека лекот се инјектира точно на потребното место.
И покрај добрите намери, дури и кај најискусните раце, инјекциите на слепо (инјекции дадени без ехо) не се 100% прецизни, а во некои зглобови точноста е само 30%-40%. Под водство на ултразвук (ехо) точноста на речиси секоја инјекција во зглобот надминува 90% и се приближува до 100% кај повеќето пациенти.
Дополнително, се покажа дека инјекциите водени со ултразвук (ехо) се помалку болни од слепите инјекции.